Xidmət Şərtləri

1. Ümumi şərtlər

Gunel's story fərdi uşaq kitablarının hazırlanması və təqdim edilməsi üzrə xidmət göstərir.

Qeyd: Sifariş verməzdən əvvəl təqdim olunan məlumatların düzgünlüyünü yoxlamağınız xahiş olunur.

2. Xidmətin məzmunu

Gunel's story uşağın fərdi xüsusiyyətləri, adı, maraqları və təqdim olunan məlumatlar əsasında xüsusi hekayə və vizual materiallar hazırlayır.

Fərdi uşaq hekayəsinin hazırlanması
Kitab səhifələrinin dizayn edilməsi
Təqdim olunan fotoşəkillərin layihəyə uyğunlaşdırılması
Çap və təqdimat üçün hazırlanmış kitab materiallarının formalaşdırılması

3. Sifariş prosesi

Sifarişin hazırlanması üçün istifadəçidən tələb olunan məlumatların tam və düzgün təqdim edilməsi vacibdir.

1

Məlumatların təqdim edilməsi Uşaq və sifarişlə bağlı zəruri məlumatlar təqdim olunmalıdır.

2

Hekayənin hazırlanması Təqdim olunan məlumatlar əsasında fərdi hekayə hazırlanır.

3

Dizayn mərhələsi Hekayəyə uyğun vizual və səhifə dizaynı hazırlanır.

4

Yekun təqdimat Hazırlanmış məhsul xüsusi formada təqdim edilir.

4. İstifadəçinin məsuliyyəti

İstifadəçi sifariş zamanı təqdim etdiyi məlumatların düzgünlüyünə və həmin məlumatlardan istifadə etmək hüququna malik olmasına görə məsuliyyət daşıyır.

Təqdim olunan ad və məlumatların düzgün olması
Fotoşəkillərdən istifadə üçün lazımi hüquqa malik olması
Sifariş məlumatlarının yoxlanılması
Sifarişlə bağlı vacib dəyişikliklərin vaxtında bildirilməsi. (Maddə-6)

5. Fotoşəkillər və təqdim olunan materiallar

İstifadəçi tərəfindən təqdim olunan fotoşəkillər və digər materiallar sifarişin hazırlanması məqsədilə istifadə edilir.

6. Dəyişiklik və düzəlişlər

Sifariş hazırlanarkən istifadəçi tərəfindən təqdim olunan məlumatların dəyişdirilməsi və ya düzəlişlərin edilməsi sifariş daxil olan vaxtdan 24 saat müddətində mümkündür.

Dizayn və ya hekayə hazırlanması başa çatdıqdan sonra edilən əlavə dəyişikliklər əlavə iş tələb edir.

Qeyd: Sifariş təsdiqlənməzdən əvvəl bütün məlumatları diqqətlə yoxlayın.

7. Ödəniş

Xidmətin qiyməti Gunel's story Daxili xidmət siyasətinə uyğun olaraq hesablanmış və sabit tarif qəbul edilmişdir. Tariflə bağlı müvafiq bölməyə (Sifariş müraciəti) baxmağınız xahiş olunur.

Sifariş zamanı Gunel's storynin Məxfilik siyasəti və Xidmət şərtləri istifadəçiyə əvvəlcədən bildirilir. İstifadəçi sifariş yaratdığı zaman Məxfilik siyasətini və Xidmət şərtlərini qəbul etmiş hesab olunur.

8. Hazırlanma müddəti

Fərdi kitabın hazırlanma müddəti sifarişin məzmunundan, layihənin həcmindən, hekayənin nəşr və dizayn üçün təqdim edildiyi üçüncü tərəflərin işlərindən və digər gözlənilməyən texniki işlərdən asılıdır.

9. Sifarişin ləğvi və geri qaytarılması

Fərdi hazırlanmış məhsullar xüsusi olaraq konkret istifadəçi və uşaq üçün hazırlandığından sifarişin ləğvi və ödənişin geri qaytarılması Gunel's storynin Daxili xidmət siyasətinə uyğun həyata keçirilir. Sifarişin ləğvi prosesi Gunel's story tərəfindən olduğu zaman bu proses brendin Daxili xidmət siyasətinin tələblərinə uyğun təşkil olunur.

10. Müəlliflik və məzmun hüquqları

Gunel's story tərəfindən hazırlanmış hekayə, dizayn, illüstrasiya və digər yaradıcı materiallar müəlliflik hüququ ilə qorunur. Hazırlanan fərdi kitabın bütün müəlliflik hüququ Gunel's storyə məxsusdur.

Hazırlanmış fərdi məhsulun şəxsi istifadə məqsədilə istifadəsi ilə kommersiya məqsədilə çoxaldılması və yayılması eyni hüquqi məna daşımır.

11. Xidmətlərdə dəyişikliklər

Gunel's story xidmətlərin məzmununda, dizaynında, təqdim olunma formasında, qiymət təklifində və digər xüsusiyyətlərində dəyişiklik etmək hüququnu özündə saxlayır.

12. Xidmət şərtlərində dəyişikliklər

Bu Xidmət Şərtləri gələcəkdə yenilənə və dəyişdirilə bilər. Yenilənmiş versiya bu səhifədə yayımlandığı tarixdən etibarən qüvvəyə minir.